XOGOS "FORZA 3"

Esta mañá visitáronnos "unhas doutoras" para examinarnos, e así poder ver se tíñamos o virus que circula pola zona.
Fixéronnos unhas probas lingüísticas, físicas e mentais por grupos. Unha desas probas trataba sobre o corpo humano: tíñamos que pór partes do corpo onde correspondían, pero evitando que o virus nos infectase.
Outra proba foi de velocidade: o noso equipo dividíase en 3 filas. Despois un compañeiro pasaba debaixo das pernas dos outros compañeiros, e collía unha letra. Intentabamos crear o máximo de palabras.
A última proba consistía en: a monitora dicía unha adiviña e nós collíamos o paracaídas e intentábamos meter a bola dentro do buraco e así resolver a adiviña.
Todos e todas saímos desinfectados para o noso traballo escolar.

UNHA MAÑÁ DE FOTOS

Hoxe á mañá cando estabamos na clase coa profe Graciela,chegou a profe Teresa cunha cámara de fotos.
Díxonos que era para sacarnos fotos e logo colgalas no Blog do CEIP Vilaverde.
Tivemos que sacar dúas fotos cada un e cada unha de nós, por se algunha saía mal. Todos e todas puxemos a mellor pose e sorriso,para saír o máis chulos/chulas e guapos/guapas que poidesemos, xa que ninguén quería saír mal na foto.
Primeiro a profe Teresa sacoulle as fotos a Iria e despois Iria coa axuda da profe Teresa, sacoulle dúas a María Martínez e María ao compañeiro Anxo... e así sucesivamente, uns e unhas aos outros e outras ata terminar con toda a clase de 5ºB, incluida a nosa profe Graciela.

ALGUNHAS DAS NOSAS PRESENTACIÓNS SOBRE O UNIVERSO

Observade algún dos resultados do noso traballo coas presentacións.
A medida que as vaiamos corrixindo iremos poñéndoas no blog
Así recollemos, en equipos cooperativos, a información sobre a que traballamos co proxecto do Universo.

Os 4 furiosos traballo from xianadecide

Caracteristicas do universo lunáticos from xianadecide

Universo futuritos from xianadecide

Universo super x from xianadecide

Agora quédanos avaliar que aprendemos con este proxecto.

CORRECCIÓN POWER

Hoxe estivemos coa dificil tarefa de ver como podemos mellorar as nosas presentacións en power e impress.
Despois de traer información sobre o Universo, de contrastala, de revisala, de ampliala,... Decidimos recoller toda a información que tiñamos en presentacións. Elaborámolas en equipos cooperativos e despois imos corrixilas en gran grupo. Cada grupo expoñía o seu traballo sobre a recollida de información sobre o UNIVERSO, mentres as e os demais anotabamos os erros que íamos vendo e as posibilidades de melloralo.
Cando acababan a exposición comentabamos o que atopáramos e facíamos as preguntas das que tiñamos dúbidas sobre a información exposta.
Entón algún ou algunha compoñente do grupo anotaba os erros para podelo corrixir ademais de explicar os motivos do formato e contestar preguntas sobre o texto. Démonos conta das faltas que tíñamos, de que é importante o tipo de letra que empregamos, das cores que poñemos, das imaxes que ás veces non se entenden ben e de que todas e todos os membros do grupo debían estudar ben a información para poder responder as preguntas.
FOI UN TRABALLO COMPLICADO PERO DO QUE APRENDEMOS PARA OS SEGUINTES PROXECTOS QUE FAGAMOS.

EDUCACIÓN VIARIA

Hoxe veu un policía darnos unha charla sobre a seguridade viaría: pór o cinturón como é debido, cruzar cando está en verde,...
Logo, ensinounos un video onde ninguén cumpría as normas e víanse as consecuencias.
Cando rematou o video as e os que tiñamos algunha dúbida fíxemos preguntas.
Ao remate da charla regalounos un lapis da policia local a cada un e cada unha.
Foi unha charla interesante

CHEGOU O MAGOSTO

Este magosto foi xenial. Fixemos xogos con castañas: a roda, a castaña por detrás, ...
A protagonista deste ano foi Dona Castaña,tivemos que facer un conto onde ela era a protagonista.
Comemos moitas castañas..., ata fartar!.
Por último os e as de coro cantámoslle ao alumnado de 6ª o "RAP do magosto".

PRESENTACIÓN EN POWER

Dentro do proxecto sobre o universo... fixemos un power para estudar mellor e recoller toda a información.
Foi moi divertido preparalo.